دي طريقة عمل باستا السي فود في البيت.. أكل الشارع

واحدة من الأكلات التي أصبحت أكثر انتشارًا وطلبًا، نظرًا للإقبال الكبير عليها، هي باستا السي فود، وطريقة تحضيرها كالتالي

طريقة عمل باستا السي فود بالجمبري

نغلي شوية مية في حلة ونضيفلهم رشة ملح، وبعد كده نسلق المكرونة ونسيبها تستوي نصف سوي.

نجهز البشاميل عن طريق تسييح قطعة زبدة، بعدين نضيف شوية دقيق ونقلب لحد ما يبدأ لونه يصفر، نبدأ نضيف اللبن بالتدريج مع التقليب لحد ما يعمل القوام المطلوب.

الخطوة التالية، في طاسة على النار، نحط شوية زبدة ونشوح فيها بصل مفروم، بعدين نضيف فلفل ألوان متقطع شرايح علشان يدي لون وشكل حلو، بعدها على طول نحط الجمبري والكابوريا، ونقلبهم شوية لحد ما يستووا.

في النهاية، نضيف التوابل، وإللي هي ملح، فلفل أسود، نخلط كل ده مع المكرونة وصوص البشاميل، وبعدين نحط الخليط في صينية وندخلها الفرن، وممكن ترشي على الوش شوية جبنة موتزاريلا، وتدخليها الفرن تتحمّر 10 دقائق.

تابع أيضا: دي أسهل طريقة عمل سندوتشات الكبدة والسجق، على قناة الشارع أكل