دي طريقة تمليح الفسيخ بطريقة الدفن الدمياطي في الملح و الكركم

في ناس كتير بتعشق أكل الفسيخ، بس في نفس الوقت بتخاف منه، وده بسبب الأخبار اللي بنسمعها عن الفسيخ الفاسد أو اللي منتهي صلاحيته ، وخصوصا في أوقات المناسبات زي شم النسيم. وعشان كده، جبنالك طريقة مضمونة تعملي بيها الفسيخ في البيت، وتاكليه وإنتي مطمنة.

أول خطوة، هات سمك بوري، وده أحسن نوع لعمل الفسيخ ولازم يكون طازة، بعد كده اغسليه كويس ونضفيه، وبعدها لازم يتنشف تمامًا.

في طبق تاني حطي كمية مناسبة من الملح الخشن، وضيفي عليها شوية كركم، الكركم بيدّي لون حلو.

الخطوة إللي بعد كدا، نبدأ نغلف السمكة من جوه ومن بره بالملح والكركم، واعملي كده مع كل سمكة. بعدين، حطيها في علبة أو برطمان، وافصلي بينهم بطبقات ملح. أهم حاجة تغطيها كويس جدًا بكيس بلاستيك أو غطا محكم، عشان ما يدخلش لا هوا ولا ميه.

لو الجو حر، الفسيخ بيحتاج أسبوع واحد بس، أما لو في الشتاء، خليه من 10 لـ12 يوم، وبعدها افتحي عليه، وهتلاقي أحلى فسيخ بيتي.

تابع أيضا: الناس بتحب تاكل عندي كل حاجة عشان بعمل أكل بيتي صحي، على قناة الشارع أكل