دي طريقة عمل الكبدة الجملي بالطريقة البلدي.. أكل الشارع
في الفترة الأخيرة شهدت الكبدة الجملي انتشاراً كبيراً، ورغم ارتفاع سعرها، إلا أنها أصبحت أكثر طلباً مقارنة بالكبدة العادية. من على إحدي عربيات الكبدة الجملي، هنتعرف على طريقة تحضيرها.
طريقة تحضير الكبدة الجملي
أول خطوة بنبدأ بيها هي إننا نحط شوية زيت في طاسة كبيرة، ولما يسخن هننزل بالبصل المفروم ونسيبه يتشوح على نار متوسطة، ولازم ناخد بالنا إن البصل يدبل كويس.
بعد كده، بنضيف الكبدة الجملي المتقطعة قطع صغيرة، ونقلبها مع البصل، ونسبها على النار لحد ما توصل لمرحلة النص سوا.
نبدأ نضيف الفلفل الأخضر، وكمان شوية من الفلفل الألوان لو متوفر عشان يدّوا طعم حلو وشكل يفتح النفس.
وأهم حاجة في الآخر، نحط البهارات والتوابل اللي بتفرق في الطعم، شوية كمون، فلفل أسود، شطة حسب الرغبة، ورشة ملح.
تابع أيضا : أسرار للموازين وطريقة الصيانة المنزلية بطريقة سهلة وبسيطة.. والصعب خليه علينا، على قناة الشارع
