طريقة عمل بسكوت الزبدة في البيت.. النتيجة النهائية أحسن من الجاهز كمان

خلاص ودّعنا شهر رمضان، وبدأنا نجهز نفسنا لفرحة العيد.. والعيد يعني لبس جديد، لمة حلوة، وريحة الكحك والبسكوت اللي ماليه البيت! ولو كنتِ من الناس اللي بتحب تعمل حلويات العيد في البيت، جايبنلك النهاردة وصفة بسكوت سهلة، وكمان فيها “التِركاية” اللي هتخلي ريحته حلوة.

المقادير:

كيلو دقيق ـ نص كيلو زبدة ـ معلقة سمنة ـ معلقة زيت جوز الهند (دي السر! بتخلي الريحة وهم) ـ 4 بيضات ـ كيس فانيليا (عشان نغطي ريحة البيض) ـ كيس بيكنج بودر ـ معلقة لبن بودرة ـ 300 جرام سكر بودرة.

طريقة التحضير:

في طبق كبير، هنحط كل المكونات ونعجن كويس لحد ما العجينة تبقى ناعمة ومتماسكة.نجهز ماكينة البسكوت، ونبدأ نشكّل العجينة زي ما نحب، وبعدين نرص البسكوت في صينية، وندخله فرن متوسط السخونة، لحد ما لونه يصفر ويبقى جاهز.

تابع أيضا: العضماية دي هي اللي بتخرب البيوت.. تعالى أعرفك تتخلص منها إزاي.. أكلات العيد، على قناة الشارع أكل